ظهور المهدي المنتظر في المعادي

النهاردة بعد اذنك انا هبعت مشكلة خاصة بحد من جيراني وارجو نشرها .. هوة شاب في الثلاثينات من عمره ومعتدل في سلوكه بشكل عام وما سمعناش على اي مشاكل عملها في شغله ولا حاجة قبل كدة .. مش متجوز لكن كان خاطب وفسخ الخطبة لأسباب غير معلومة .. والده ووالدته ناس زي الفل ممتازين وعشرتهم كويسة جدا لكن اللي جد علينا جميعا خصوصا اننا جيران مترابطين ان والده من مدة جه يشكيلي منه .. بيقولي حاجة غريبة جدا وهية ان الولد ابتدا يركز معاهم بأسئلة من نوع غريب خصوصا عن صحتهم ويصر على انه يقعد يقرأ لهم قرآن لو حد حد فيهم بيشتكي من ألم في جسمه أو صداع أو أي حاجة .. يحط إيده على الوجع ويبدأ يقرأ وبعدها يدخل في حالة غريبة من الصمت وفجأة يصرخ في وسط البيت ويقول أنا المهد المنتظر أنا شفيت الصداع اللي عند أمي أنا وأنا وأنا وهكذا لغاية ما يصاب بحالة من الإرهاق ويدخل يا إما يقعد لواحده يا إما ينام .. الحالة دي بقاله فيها حوالي أربع أشهر وقبلها كان غريب الأطوار .. إحنا قلنا إنه بيعاني من حالة نفسية شديدة لكن لما إدعى إنه المهدي المنتظر قلنا أكيد ضرب خالص وإتجنن والغريب إنه ساعات بيبقى عادي لكن برضه قاعد لواحده وساكت وبيكلم نفسه كتير ( همهمة ) , طبعا أنا مش قادر أنصح جاري بحاجة غير إنه يعرض إبنه لطبيب وفعلا دة حصل لكن الإبن جاله حالة هيستيرية وشخط في أبوه وإتهمه بالجنون وإنه بيتآمر عليه علشان عايز يطلعه مجنون وإحنا دلوقتي مش عارفين نعمل إيه وكل يوم والتاني زعيق وخناق وفضايح .. إحنا من سكان المعادي في وسط راق والحمد لله ومش ناقصين فضايح من النوع دة .. ايه الحل وارجو السرعة وشكرا جزيلا .

ههههههههههههههههههههههههه

لا تعليق اكتر من الضحكة

تسلم ايدك

» منتدى المهدي واحداث الساعة
» فيلم الديناصور الرعب المنتظر
» ألم ظهور الاسنان لدى الرضع
» ظهور الشعر الأبيض في سن الشباب
» فيلم الاكشن و الخيال العلمى المنتظر المبيد جنسايس