ظاهرة السادية

كنت ماشي في الشارع مروح بيتي لقيت ٣ شباب سن ١٧ و٢٠ تقريبا ماسكين قطة وعمالين يعذبوا فيها عذاب أكن فيه بينها وبينهم تار .. مش مصدق نفسي من بشاعة المنظر , المهم جريت عليهم لمحاولة انقاذ القطة لقيت واحد فيهم راح بيشد ايدي ويزقني في كتفي وطبعا طولة لسان قد كدة وقلة أدب رحت أنا كمان شاتمه وصوتنا علي على بعض والناس إتلمت .. انا اصريت اعمل لهم محضر بالرغم من اني معرفش ايه قيمة محضر من النوع دة في مصر ايه لكن اصريت .. المصيبة بقى مش كمان في تصرف العيال الصايعة دي المصيبة في رد فعل الناس اللي جم يحوشوا بينا لقيت واحد بيقولي خلاص يا بيه قطة ايه اللي عايز تضيع مستقبل العيال عشانها ! .. لقيت نفسي بضرب فيه من غير ما احس فشيت فيه غلي فالحكاية قلبت غم وناس تانية جت اتلمت تحوش بينا كلنا المهم ان كل دة والعيال محدش فيهم محسش بالذنب تجاه القطة ولا اكنه عامل حاجة ولا أكنها روح , عايز افهم هوة عادي كدة انسان يعذب حيوان ؟ .. يعني لو حد مسك واد من دول رنه علقه ولا عذبه زي ما عذب القطة مش هيحس بألم جسماني برضه ولا هوة ايه الموضوع ؟ ليه كدة ليه بقينا كدة وعلى فكرة دي مش أول مرة أشزف المنظر دة .. دي كذا مرة هل هية بقت ظاهرة ولا بقينا شعب سادي وغلاوي خلاص .. يمكن حد يقرأ المشكلة دي يقول ايه العبط دة لكن لا والله ما هو هبط دة منتهى الألم والقسوة والعنف حسبي الله ونعم الوكيل ولا حول ولا قوة إلا بالله .

طـــرح جميل رائــــع موفـــقين
شكرا لك لإنتقاءك وإختيارك
يسلم المجهــود المميــز
تحيــآآتي للجميع